У 2003 годзе ў сярэдняй школе №139 г. Мінска створаны музей быту і культуры беларускага народа "Вытокі".
Наш музей пачаў стварацца з адзінкавых рэчаў, прывезеных вучнямі і настаўнікамі пасля наведвання сваіх бабуль, дзядуль, бацькоў у вёсках. Першым экспанатам быў драўляны кубак. Створаная экспазіцыя "Гаспадарчы куток" цяпер аб’ядноўвае драўляны, гліняны і металічны посуд. Найбольш старажытным з іх з’яўляецца самавар 1910 года.
Штодзённае жыццё чалавека нельга ўявіць без рэчаў... Рэчы – гэта тое, што ён ёсць, што апранае, што атачае яго ў пакоі, у гаспадарцы, з чым ён працуе. Свет рэчаў – гэта свет культуры, вынік творчасці чалавецтва. І сёння мы запрашаем вас у гэты таямнічы, загадкавы свет. Рэчы суправаджаюць кожнага з нас напрацягу ўсяго жыцця.
Заўсёды з цікавасцю і любоўю юныя экскурсаводы паведамляюць наведвальнікам музея пра падзеи, рэчы і іх гісторыю.
22 чэрвеня 2018 года наш музей атрымаў званне "народны". Віншуем і жадаем далейшых поспехаў.
Вытокі - водная плынь – ручай, рака азначае бясконцы рух, інакш – жыццё.
Вытокі – першакрыніца – пісьмовы помнік, дакумент.
Вытокі народнай творчасці, народнай працы, якая выконвалася як мага лепш, таму што яна нараджалася з бескарыснай любові да кожнай справы.